أ. التعريف بالمرشد: حفل عيد ميلاد في الهرم

قال مجدي: "كنت اعرف حافظ من ديسكو امون و كوين بوت، كان وش ضمن الوشوش. كان عنده حوالي 28 سنة و ماكانش فيه أي حاجة تخليني اشك فيه قبل الحكايه دي ما تحصل". ويكمل قائلا:
كان عازم 7 انفار غيره هو، قال ان ده عيد ميلاده، كنا في شهر 9 في 2001 … الشقة دي كانت في الهرم ( مقاطعة في محافظة الجيزة) وصلت الحفلة علي 10:30 بالليل. كنت رايح مع ناس تانيين يعرفوا حافظ. حافظ دخَّلنا الشقة و بعدين قال انه لازم ينزل يجيب مشروبات، اتاريه قفل الباب وراه بالمفتاح و بعدها بربع ساعة لقينا الباب بيخبط، بصينا في العين السحرية ماشفناش حد و فجأة لقينا الباب بينفتح و حد داخل. كان معاهم المفتاح، كانوا بوليس، لابسين ميري يجي 12 واحد، دخلوا قالوا "ماحدش يتحرك"، انا اترعبت.

كنت مرعوب: خلونا نفتح البنطلون بالعافيه و كشفوا علي الملابس الداخلية علشان يشوفوها ملونة و لا لأ ، و شتمونا و شتموا اهالينا، كان في عيل شعره طويل ضربوه و رزعوه في الحيط. بعد كده خلونا نقلع ، رغم ان كلنا كنا قاعدين بهدومنا و واقفين عادي خالص ساعة ما دخلوا. قلَّعوا ناس منا هدومهم بالعافية و نزلوهم علي السلم ملفوفين بملاية السرير. حاولوا يقلعوني بالعافية، قلتلهم هارمي نفسي من الشباك ، ثلاثة غيري فضلوا بهدومهم و الثلاثة الباقيين قلعوا.[171]

ثلاث ضباط استجوبونا، كتبوا تقارير و خللونا نمضيها، الحكاية دي خدت من الساعة 12 بالليل لحد 5 صباحا، سمحوا لنا اننا نقراها و كان مكتوب فيها اننا شراميط و بنمارس مع بعض في الشقة، قولنا لهم ازاي و منين جبتوا الكلام ده ؟ قالوا لنا امضوا و ضربونا بالأقلام و الشلاليت علشان نمضي.
قعدنا في الحبس للصبح و بعدين خدونا نيابة الهرم. في نيابة الهرم استجوبونا واحد واحد، كان استجواب بسيط جدا! "خول؟" "لأ" "خول؟" "لأ" و قالوا اننا خولات و كمان مستعملين. حبسونا 4 ايام و حافظ كان مختفي طول الفترة دي.

حطونا كلنا في حجز واحد (أي زنزانة واحدة). الأوضة كان فيها ناس كتير، منهم ناس عليها احكام. العساكر فرجوا بقية المساجين علينا و قالوا لهم "لو عايزين تنيكوهم ياللا، دول خولات و بياخدوا في طيزهم " ناس كتير حاولوا يمارسوا معانا بس احنا زعقنا و قلبنا الدنيا، فخافوا نعمل لهم شوشرة (أي مشاكل) و بعد شوية بطلوا.
كان كل يوم بهدلة، احنا السبعة كان لنا وضع خاص، كان لنا معاملة خاصة، كان العساكر يشدونا بره الزنزانة واحد واحد و يضربوا كل واحد فينا بالعصيان و كانوا ينزلونا علي الارض و يقفوا علي ظهرنا بالبياده (حذاء شرطة) و يشلتوا فينا و ده كان نوع من الهواية او التسلية لهم. كل يوم يطلعوا واحد منا علشان يضربوه بالشكل ده. مافيش حاجة اسمها اكل هناك، كانوا المحبوسين معانا بيدونا ناكل احيانا، معظمنا كان ادي للبوليس اسامي غلط و قطعنا بطايقنا واحنا في البوكس علشان ميعرفوش اصلنا و لا يقولوش لأهالينا لأننا كنا مكسوفين نكلمهم.

في طرة قدرنا نطلع اخبارنا لأول مرة، لما كانت تيجي زيارات للمساجين التانيين كنا نديهم ارقام تليفونات اهالينا، قعدنا كمان 22 يوم في طرة، كانوا مقعدينا في أوضة غير بقية المساجين، اصلهم خايفين الباقي يتعدي بمرض الخولنة. و كانوا لسة ماجابولناش بطاطين، كنا بننام علي الأرض. والدتي جت تزورني في طرة، كانت مقهورة بسبب الفضيحة.

و يتذكر مجدي: معظمنا قطعنا بطايقنا و اديناهم عناوين غلط علشان كدة مجالناش أي حاجة من المحكمة و لا عرفت الجلسات كانت امتي. ماحدش راح من اللي كانوا معايا في القضية. كلهم اتحكم عليهم غيابي. و ماعدتش اعرف حاجة عن الستة التانيين.

ب. "طبعا لازم يلفقولنا حاجة ": حفل ببولاق الدكرور

كان عندي واحد صاحبي اسمه رضا[177] و كان اسم الشهرة بتاعه فيروز. دي كانت مقابلة شؤم لما قابلته في الشارع، قاللي فيه شقة و فيها اتنين غيرنا عايزيين يقابلوا ناس وهيكونوا مستنيين هناك. رحنا احنا الاتنين و كان فيه اتنين غيرنا. انا اعرف رضا بس الاثنين التانيين ما كنتش اعرفهم. يا دوبك قعدنا نشرب شوية و لقينا الباب بيتكسر علينا وكانت الحكومة. كنا لابسين ! و كنا يادوبك بنشرب شوية و قاعدين بنسمع الكاسيت. كانت الساعة 11 او 12 بالليل. كان في ضابط و معاه خمسة كلهم لابسين ملكي.
"فيه معاكم اذن بالتفتيش؟" هما ردوا، بس ماردوش بالكلام و فهمنا ان مافيش حاجة في ايدينا نعملها. كلمونا علي اننا بنات. ضربونا باللوكاميات و بالشلاليت لغاية ما تقريبا كلنا وقعنا علي الارض و بعدين جرجرونا برة الشقة.
ضرب و شتيمة و بهدلة و اخذوا حاجتنا علشان تبقي دليل ضدنا و الحاجات الداخلية و الفوط اللي كانت في الشقة بس طبعا البوليس لازم يلفق حاجة: اكيد مش ممكن يقولوا ان النور كان منور و انها كانت سهرة عادية جدا و الناس قاعدة بس و لابسها هدومها و بعدين اخدونا علي مديرية أمن الجيزة.[178]

"حكاية الضرب دي اتكررت ثلاث او اربع مرات خلال الأسبوع الأول و كان ضرب ضرب، بجد مش هزار، كانوا الضباط يخشوا الحجز و يضربونا و يعلقونا و يرموا علينا مايه ساقعة و ما كانوش بيسألونا عن أي حاجة غير عن اسامينا و خلونا نمضي علي حاجة بعد ما اتقبض علينا بيوم تقريبا، مضيت اسم غلط و ماقريتش طبعا اللي مضيت عليه. ازاي يعني؟ هو انا هامضي علي عقد بيع العزبة ؟ طبعا من الضغط و الخوف مضينا. رضا كان رافض يمضي. ضربوه قدامنا، عجنوه من الضرب في صدره و ظهره و في الاخر مضى.

لو كلب عمل حاجة غلط ممكن تعاقبه بس مش ممكن تخليه يبطل يبقي كلب. انا بني ادم و عملت حاجة هم قالوا عليها غلط و هم خلوني ابطل ابقي بني ادم.[182]

ج. التعذيب في دمنهور: "منظمة شواذ البحيرة"

جمال [اسم مستعار] في الأربعينيات من عمره، قال ان الأعتقالات الجماعية للمثليين بدأت في ديسمبر/كانون الأول من عام 2001 بعد ان عثر علي مأمور شرطة مقتولا، ووجدت في موقع الجريمة ادلة علي ان المقتول كان مثليا.[187] قال جمال لهيومان رايتس ووتش: "الحكومة اتصدمت لما لقت واحد من رجالتها خول" و لقوا في شقته اسامي و تليفونات "جاي" كتير في دمنهور فقالوا نعمل قضية نخوف بيها بقية الخولات.[188]

بدأوا ياخدوا الناس في شهر 12. واحد جالي البيت و قالي الباشا عايز يكلمك. قالولي:" خمس دقائق بس و خلاص". رحت القسم و فرجوني علي ناس تانية "معتقلين" و سألوني: تعرفهم ؟ كل اللي اتعرفت عليهم اخذوهم علي جنب معايا و ادوهم ورقة و قلم و قالولهم يكتبوا عندهم كل اسامي و تليفونات الخولات اللي نعرفهم في دمنهور …… ماكتبتش غير خمس اسامي وقلت اني ماعرفش اسامي العيلة و لا تليفونات بيوت و لا عناوين، علشان الناس هي اللي بتيجي عندي.[189]
واكمل جمال قائلا: "كانوا بيستدعوني للقسم يوميا و احيانا مرتين في اليوم علشان ياخدوا مني معلومات تاني".[190] و مع استمرار الاعتقالات، شاهد جمال قسم الشرطة مكتظا ب"عشرات الرجال" ووصل عددهم احيانا الي "المئات" لدرجة ان "انا نفسي ما كنتش اتخيل ان دمنهور فيها كل العدد ده من "الجاي".[191]

كانوا جابوا القتلة. وبعدين قالوا، تعالوا نضرب عصفورين بحجر: تعالوا نخلى الخمسة دول ونوجه لهم تهمه. الضابط الكبير قال لي كده...قال لي " يا كس أنا ح أعمل لك قضية. بقى أنا و المخبرين بتوعي نسهر كل الليالي دي على ما فيش؟ لأ يا كس أمك، أنت ح تروح السجن وأنا ه اخذ نيشان".[196]

كانوا عايزيني أعترف إني "جاي" و أقول لهم على ناس تانية أنهم كده. حرق بالسجاير على دراعاتي. لسه معلمة فيه. و الكهرباء: السلك بتاع التيلفون كان يتلف حوالين ذراعاتي وحوالين العضو بتاعي. في القسم كانوا بيعذونا كل ثالث يوم – يعني يعدي يومين و الثالث نتعذب فيه. كان يبقى فيه ربع ساعة كهرباء. اخذوا سلك التيلفون ولفوه حوالين صوابع أيدي وصوابع رجلي و وداني و بتاعي. كان متوصل بحاجه زى التيلفون بمنافله (أي ذراع) كانوا يلفوها علشان تطلع صدمات. ده كان زي الموت.
وكان فيه ضرب، أحيانا قبل كده وأحيانا بعد كده. كانوا يخلوا أيديك متكلبشة ورا ظهرك ورجليك مربوطة أو متسلسلة. كانوا ينزلوا بنطلونك ويعروك من فوق ويضربوك بعصيان بلاستيك.
ده كان بيحصل لكل واحد لوحده، علشان يعذبوا الناس التانيه في الأيام اللي ما كانوش بيعذبوني أنا. الأول كان تلطيش بالأقلام كتير، لما كنت ما باديش أسامي. بعد التلطيش بدأوا يكهربوني بسلك التيلفون. بعدين نص ساعة في الزنزانة. بعدين يجوا يجيبوني تاني. يقولوا: يعني لسه مش عايز تدينا أسامي و عناوين؟ " بعدين تيجي السجاير. كان هو ده الروتين العادي".[197]

نهبوني. مهما وصفت مش حأعرف أوصف تهبوني إزاي. اخذوا الفيديو بتاعى. اخذوا الموبايل والدش و الريسيفير و الو وكمان. كل شرايطي الكاسيت،كان عندي مجموعة كبيرة، خذوها...حتى الصابون. و هدوم طليقتي خدوها! أي حاجة ممكن تتاخذ سرقوها. و لما سألتهم" انتوا بتاخدوها ليه؟" رد الضابط:" علشان نتمتع بيها. أنت رايح السجن؛ الحاجة دي حتقعد لمين؟ وعلشان أحافظ لك على لي فاضل، حاشمع لك الشقة بالشمع الأحمر". و لما طلعت براءة قعدت 3 شهور مش عارف ادخل الشقة علشان كانت متشمعة".[198]

و إحنا في النيابة واحد من وكلاء النيابة أخدنا في أوضة و لم كل وكلاء النيابة التانيين في نفس الأوضة. رفع رجليه على المكتب و كان عايزنا إحنا الخمسة نقول بصوت واحد "إحنا خولات، إحنا شراميط، بنحب نتناك". وكلاء النيابة التانيين كانوا بتفرجوا علينا و بيضحكوا. ما رضيتش أقول كده، قام وكيل النيابة و هاتك يا تلطيش بالأقلام فينا كلنا.[200]

كان بيضربنا بالعصاية البلاستيك.كان بيملأ حاجة زي الطشت بالميه المثلجة ويرمينا فيها أو يرميها علينا. كان بيخلينا احنا نكنس و نمسح سلالم السجن. و طبعا طول الوقت شتيمه. كان بيعاملنا اسوء من بقية المساجين؟ اه طبعا. كان فيه ناس تانية دول حثالة السجن، كانوا بينضربوا ويتشتموا، لكن احنا بقى كان بيعاملنا على اننا الخدامين بتوع حثالة السجن. كنا اوطى من اوطى بنى ادم في السجن.ما تقدرش تتخيل البؤس الى كنا عايشين فيه. كان يخش علينا زنزانتا بالليل وينزل تلطيش فينا. كان معايا شوية كتيبات دينيه صغيرة كنت باصبر نفسي بيها. قال انت الى في نجاستك ما يستاهلش يبقى معاه حاجة زي دي،وخدها قطعها. كان الضرب كل يوم، وحمامات الميه المتلجة تقريبا كل يوم،و الحكاية دي استمرت كام اسبوع. الحروق اللى في ذراعي عملوها في القسم، لكن في السجن هو اللى عمل لى الحروق دي فى رجلي.[203]

كما قال جمال ان الحارس "اخدني كتير للزنزانة رقم 7، ودي اللى فيها اخطر المجرمين اللى عليهم أطول احكام، و قال لهم " اهوه خول خدوه اتمتعوا بيه". "بتاع خمسة وعشرين واحد اغتصبوني. احيانا كان كل واحد ينكيني يجي ثلاث اربع مرات وهم بيضربوا ويلطشوا في". [204]
بطلت اكل و اشرب. مش اضراب عن الطعام. انا كنت بس عايز اموت نفسي ماكانش في اى حاجة ازاز في الزنزانة، اقطع بيها شراينني و لااذبح نفسي. ما كانش عندي أي وسيلة تانية... بعد كام يوم اغمى عليه و ماعرفوش يفوقوني. خدونى ع المستشفى لما رجعت السجن كانت الادارة اتدخلت، و المعاملة بدأت تبقى احسن شوية، الضرب قل وحمامات ( الماء المثلج) اتوقفت.[205]

انا خسرت شقتي. اصحاب الملك طردوني. اهلى رفضوا يكلموني. علاقتي مع والدى ووالدتي بدات تتحسن،رغم انهم ما بقوش يحبوا حد يشوفهم معايا. بس اخواتى البنات الاتنين مقاطعيني. قالوا ان انا بالنسبة لهم ميت. انا سبت المدينة كلها و رحت مدينة تانية. يا ريتنى كنت اقدر اسيب البلد.[208]

د: " أنا انكسرت": شقة في طنطا

تجرد مدرس من جميع مبادئه واتبع غرائزه الشاذة، حيث ارتدى ملابس النساء ووضع المساحيق على وجهه لإغواء امثاله من الرجال الشواذ من راغبي المتعة المحرمة، والذين يمارسون الجنس في شقته. وجاءت المعلومات للمقدم أحمد عبد الوهاب رئيس وحدة آداب الغربية …[209]

كريم [اسم مستعار] صاحب الشقة كنت اعرفه من حوالى تلاتاشر سنة. أنا قابلت الولد ده فى بيت كريم. كان جسمه قليل كده و ما كانش حد بيحبه اوي ولا بيطمئنله. قعدت بتاع 3 شهور ما باروحش عند كريم. بعدين والدتي قالت لي: "فيه واحد اتصل بيك اسمه توفيق عايز يقابلك". توفيق، اللى هو الولد ده، قال لى "انا مستنيك"،و فهمت ان قصده نتقابل في شقة كريم. فرُحت انا بقى هناك... اللى ما كنتش اعرفة ان توفيق ده كان مرشد. كان فاكر انه يقدريخلينى امارس[الجنس] مع كريم.[212]
ذهب صابر إلى الشقة حيث قابل كل من كريم و صديق آخر يدعى اشرف [اسم مستعار]. "وكانوا حاطين شوية بانجو على الترابيزة قدامهم فقلت يبقى دي قعدة دخان [أي لقاء لتعاطى المخدرات] ".[213]
توفيق كان عمال يطلع ويرجع و كل مرة بحجة شكل... كان لازم نعرف ان فيه حاجة غلط. كنا قاعدين على الارض على شلت كبيرة – كريم عنده كده قعده عربي – و بنتفرج على التلفزيون. توفيق كان عمال يصب لنا فى خمور. ...
اللى عرفته بعد كده، و انا فى الحبس مع كريم و اشرف، انه كان معاه موبايل عمال يرن وهو معانا. و هو ما معاهوش موبايل فى العادي و هم حتى استغربوا الحكاية دي. و كان يقوم يجري على المطبخ وبعدين يرجع. شكله كان فيه اتفاق انه الضابط تقريبا كان بيدي له رنه... و كان توفيق يروح ويبعت لهم رسالة "لأ" ان لسة الحكاية مش جاهزة.

قعدنا ما فيش دقايق بنتفرج على التلفزيون، و بعدين سمعنا خربشة على الباب. كريم قام علشان يبص من العين السحرية. و فجأة الباب قام طاير في وشه، اتخلع من الحلق خالص. و كريم طار مع الباب لاخر الأوضة.
كان ضباط و عساكر كتير، حوالي 15 على بعض. ..كانوا عمالين يقولوا "خولات، خولات". انا كنت فى حالة رعب... كريم ده مطلق، و كان فيه لسة هدوم قديمة بتاعة مراته فى أوضة النوم. دخل الضابط أوضة النوم و بدأ يفتش فى الادراج و الحاجات و سحب له شوية قمصان نوم و شوية من ملابسها الداخلية و شوية ماكياج....
ياريتها كانت قضية مخدرات، ده كان بقى احسن لنا قدام العالم.... و لا جابوا سيرة اى تهمة مخدرات. الضابط - كان اسمه احمد عبد الوهاب - قال "قمصان نوم فى الدولاب". راح عليها على طول، هي دي نوعية الحاجات اللى عايزها.

الجيران هم السبب - بلغوا البوليس ان فيه ناس رايحة و جاية على الشقة عندي.[الشرطة] قيدوا ايدينا بالحبال. قيدوني زي الحرامي. ايه ذنبي؟ ما اعرفش. قلبوا الشقة تفتيش. قعدوا يضربوا فيا ويدوني على قفايا جوه الشقة و احنا نازلين. يا ساتر...كانت معاملة كلاب، اوحش من الكلاب. جَرَّسوني وفرَّجوا الناس عليّا. كانوا بيخبطوا على الجيران و فرجوا العمارة كلها علينا و احنا نازلين، و قعدوا يقولوا للجيران: "اهه ريّحناكم من الخول". [214]

رحنا مديرية الامن. اللى طلعنى الدور الفوقاني رئيس بوليس الاداب بنفسه، احمد عبد الوهاب. و ضربوني هم و ضابط اسمه محمد جمعة لغاية ما مضيت على اللى كانوا كاتبينه لى... كانوا بياخدونا بالدور و هم بيكتبوا المحاضر. لما جيت امضى، كانت ايدي بتترعش لدرجة ان الإمضاء نفسها طلعت مهزوزة.
ما شفتش انا كنت بامضى على ايه، ما شفتش اللى كان مكتوب. كان فيه جزء بيقول انى كنت بامارس مع كريم جوه الأوضة، و ان اشرف كان قاعد بره مستني دوره.[215] بس و حياتك لو كان ايه: لو كنت حامضى على عقد جواز واللى باتجوزها دي تبقى أمى، كنت مضيت، من الضرب اللي انا اتضربته. كان الضرب بشريط كاوتش، عباره عن عجلة بيسكِلٍتّه [أي دراجة] مقصوصة من النص علشان تبقى زى شريط طويل. كان الضرب على كتافي من فوق القميص علشان ما يسبش علامات جامدة تبان فى النيابة. ما ضربونيش فى وشي. لما طلعت بره، الإتنين اللى معايا قعدوا يقولوا لى:"ايه اللى خلاك تمضى؟" قلت لهم "دي ما فيش حاجة، دي حتة امضاء".
بعد كده قعدوا يضربوا في كريم لغاية ما كانوا ح يموتوه. طلع لنا مش قادر يقف و سألناه: "طيب انت بقى ايه اللى خلاك تمضى؟"[216]

قلّعوني هدومى بالعافية. كان احمد عبد الوهاب اللى امر رجالته يعملوا كده وهو بيتفرج. [الضابط] محمد جمعه من قسم طنطا كان موجود و ضربنى بالشوم. مش قادر اقول على اللي اتعمل فيا. مش قادر.
قلعوني عريان – حتى اللى تحت [أى الملابس الداخلية] قلعوه لى. قالوا لى احنا ح نبيّن انك خول، و خللوني اوطي على السجادة، ناس بتضربنى و منهم بيباعد بين الفلقتين – و فتحوا – فتحوا عندي من ورا بايديهم. مش مستحمل افكر فى اللى حصل.
قالوا انهم بيشوفوا علشان يتاكدوا لو انا خول و لا لأ. و دخلوا الناس عليا علشان يفرجوهم عليا و انا كده موطي. قالوا لهم تعالوا شوفوا الخول".[217]

عمر النيابة ما سألتني عن اى مخدرات. سألت الضابط هو انت ليهسايب الويسكى و المخدرات ومش عايز تكلمني غير عن الممارسة [الجنسية] اللى اصلا ما حصلتش؟ هز لى راسه كده و خلاص. قلت له انه كان فيه تمانية مخبرين بيضربوني لغاية ما مضيت. و قلعت القميص ووريته ظهري شكله ايه. ما كتبش وكيل النيابةاى حاجة. اشرف برضه ورّى له اللي فى جسمه ووكيل النيابةما كتبش اى حاجة.[219]

اترفدت من شغلى. امى ماتت من حسرتها على الموضوع ده، بجد ماتت من القهرة... كل يوم في نور النهار باحاول انسى الى حصل، كل الحاجات الى حصلت، و باحاول بس اعيش حياتى. طول ما فيه نور فى السماء باقدر. بس كل ما بييجي الليل بافتكر. مش باستحمل لما اجى افتكر. الضلمة بتقتلني. كان عندي حياتى ودلوقتي مش فاضل أى حاجة. نفسي اموت وارتاح. يارب خذني بقى. [224]

هـ. حفل آخر لحافظ: إثنا عشرة رجلا بالعجوزة

و احنا بنتمشى على الكورنيش واحد مننا جاله تليفون من حافظ "مشمشة"، و كان عارفه معرفه بسيطة من قبل كده. رحنا عند حافظ ليلتها فى بيته علشان نشرب. و فى آخر السهرة حافظ قال لنا انه عنده حفله ثاني يوم وطلب مننا نبات عنده و نساعده يحضر لها، وعملنا كده.
الليلة الى بعدها كنا 14 في الشقة بِحافظ. البوليس دخل في وسط الحفلة. ما كانش فيه حد نايم مع حد. اتاخدنا على مديرية أمن الجيزة. هناك سابوا حافظ وواحد صاحبه اسمه جورج. احنا ال12 بس الى قعدنا. واحد عسكري اسمه محمد ضربنا كلنا بالعصاية. عرفنا بعدها ان حافظ هو هو " مشمشة" اللى جاب الناس فى الهرم السنة الى فاتت. دي مش أول مرة له إنه يساعد البوليس يجيب"الجاي".[230]

عايزك توصل صوتي للامم المتحدة. قول لهم عايز اخرج من السجن ده. قول لهم ان مكاني مش هنا... هم بيحرموني من حقي في الحياة و حقي فى الحرية هنا في بلدي. [238]

و. "اعتقدوا انها حرية شخصية": مراقبة تليفونية بالجيزة

اخدونى على مكتب شرطة السياحة فى المنيل. بعدين سابوني هناك يوم. ما كنتش عارف فيه ايه. كل ما اسأل، كانوا يقولوا:" بس ح نسألك كام سؤال وتمشي على طول". فضلت واقف على رجليا الاربعة وعشرين ساعة. كل ما عيني تغفّل[اى ابدأ فى النوم] يدونى بالقلم او يزغدوني علشان اصحى تاني. و كان العسكري يضربني و يقول لي مش حتشوف امك تاني. كنت اعيط.
ما كانوش لسه حطوني مع الناس التانيه، فما كانش عندي أي فكرة ايه الى بيحصل. ما سألونيش عن أي حاجة فى القسم. مضوني بالعافية على ورقة بيضاء. ما كانش مكتوب فيها أي حاجة. قعدوا يضربوا فيا علشان يخلوني امضى. اتنين ضباط ضربوني وواحد طلع مطواه قدام وشى و هددني بيها. ما بطلتش عياط.
و بالليل خدوني فى عربية الترحيلات على النيابة. ربطوا لى ايديو حطوا جردل ميه فوق منى، فكل ما كانت العربية تضرب فرامل تقوم المية نازلة عليا- منه بهدله، و منه يخللونى ما اروحش فى النوم. فى النيابة قبل ما اخش على طول الضباط بدأوا يتتريأوا عليا...قالوا لى انت بقى لك قد ايه عبدة شيطان وشاذ. كنت لابس عقد فضة عادي خالص فيه دلاية عليها اسمي، قالوا دي حاجة شيطانية.
وكيل النيابة قال لى: " لو ما قلتش الى بنقول لك عليه و ما مضيتش اللى نقول لك تمضيه، حنعلمك درس ماتنساهوش". كان بيهددني و خلاني اعيط تاني. كان عمال يسألنى انا كام مرة شفت وائل لابس باروكة وحاطط مكياج. قلت له "عمري ما شفت حاجة زي دي". قال "شفت وحتقول انك شفت".
وكيل النيابة كان عمال يشخط و يزعق فيا. قال أن حاديك 15 يوم،و لو ما اعترفتش مش هتروح بيتك تاني. مش حتشوف أهلك تاني. حتروح ورا الشمس. لو أنكرت إنك خول، حنبعتك لكشف الطب الشرعي وهم حيلاقوا الدليل".[250]
نزلوني تحت للحجز فى البدروم. طول السكة العساكر عمالة تلطش فيا. كان الحجز تحت الارض. لما دخلت لقيت ال12 اللى معايا في القضية تحت. كانوا متكلبشين في بعض. كانوا مضروبين. كانوا كلهم غرقانين في دم وجسمهم أزرق. وائل كان قميصه مفتوح وكان فيه كدمات كبيرة زرقا على صدره. كانوا مغميين عينيه بشرابات العساكر الوسخة. كلهم كانوا اتضربوا بالشلاليت و بالأقلام و اللكاكيم. مش عارف ليه ما غموش عيني، فكنت قادر أشوف".[251]

كانت الوردية بتتغير ثلاث مرات فى اليوم. في كل مرة كان العساكريخشوا يضربونا. واحد مننا ضربوه في وشه لغاية مناخيره ما نزلمنها دم – متهيأ لي انها حصل فيها كسر. كانوا يخللونا ننام على بطنناعلى الأرض ويمشوا على ظهرنا. كان ظابط واتنين حراس. كانوا دايما يضربونا على قفانا بالشلاليت. احنا ال12 كنا وضع خاص. الاول كنامعزولين حوالي 15 يوم. فضوا أوضة في حجز الحريم وحطونا فيهاعلشان قالوا اننا حريم واننا مش رجاله...
كانوا برضوه بيضربونا بسعف النخل وبالخرزانه. فيكل مرة تتغير فيها الوردية! كانوا بيضربونا في الزنزانة ووشنا في الحيط. قبلما يدخلوا علينا يقولوا:"وشكوا في الحيط يا خولات!" أو "ناموا على الأرض ووشوشكو تحت" علشان مانشوفش مين الى بيضرب.
في مرة – دي حاجة بجد صعب تتصدق – دخلوا علينافصل ولاد صغيرين، عندهم ستة أو سبع سنين حوالي30 ولد. نيمونا على بطننا ووشنا فى الأرض، وفرجواالعيال على العساكر وهم بيمشوا على ظهرنا. بعدينالعيال مشيت فوقنا. عملوا كده علشان يعرفوا الولاد انالرجالة اللى بينيكوا بعض بيحصل فيهم كده. و قالوهاللعيال".دي نهاية الخولات".كانت عاملة زي رحلة المدرسة!
بعد ما دخلوا علينا الأطفال بفترة قصيرة، طلعونا منالعزل وحطونا مع المساجين التانيين في زنزانةواحدة... كان فيه تهديد بالاغتصاب. المساجين قالوالي "يا متناكة" و "يالبوة"...
المساجين التانيين كانوا بيخشوا علينا ويشتموناأو يحاولوا يمسكونا ويعملوا معانا واحنا بنحاول نعمل حمام.[253]

لما خدت البراءة رحت مديرية أمن الجيزة علشان أخلص ورقي. هناك ضربوني بالحزام و الكرباج. قالو لى:"انت خول، انتم بتنيكوا بعض، انتوا طلعتوا بوسايط بس حتدفعوا الثمن". واحد من الضباط طلع طبنجة وحطها فى رأسي. قال "لو دي دولة اسلامية كنت قتلتك، بس يا خسارة، لأنها مش كده مش حاقدر اقتلك".